San Diego - Klappe die 1.

Di erste 2 Schueltäg hämer überstande. Guet, ehrlich gseit, so sträng hämers ja nöd kha. Am mäntig hämer am morge de iistufigstest kha, meh nanig. Hüt, am diestigmorge simer s’erstmal i klasse iteilt worde und händ conversationlektione kha, und am namitag hämer, wie gester scho, frei kha. Morn sind dänn die definitive klasseiteilige gmacht, und dänn chas mit lerne so richtig losgah :-)
I dere internationale (!) schuel häts doch 95%, wie chas au anderscht sii, schwiizer… Janu, het nöd unbedingt sölle so sii, aber was sölls, es sind alles glatti cheibe das – smeile.
Hüt simer am Mittag/namitag nachli die region vom pacific beach gsi, hät meega gwindet und het schöni wälle kha zum surfe ;-) aber ebe, z’erst chunt d’schuel, und näbed drah chamer das dänn zume spötere ziitpunkt immerno mache/lerne!!


So gseht eusi Wohnumgäbig us :-) mir sind im obere rächte egge di hei! Übrigens, swimmingpool- und Whirlpoolbenutzig inbegriffe!


So pflägt isch eusi umgäbig, gseht würkli nöd schlächt us



Westfield - So heisst “euses” shopping center (fueswäg bis det ane ca. 5-10 min)


Und so gsehts uf de charte us – smile!! Hät uf jedefall genügend chleider-, schueh-, und sportläde, ässmöglichkeite, und ebefalls no 3 grosse ichaufläde. S’einzig wo fählt, isch es shoppingcenter für z’ässe chaufe...


Impression inside the shopping area


So windig hämers kha hüt (Wätterprognose für di nöchte Täg: Sunig, Sunig, Sunig bi stiegende Temperature bi 18 Grad ufwärts)


Das isch d’strass wo am Pacific Beach entlang füehrt

Reise - Ankuft

Grüeziwohl us San Diego!!!

Nachere 22-stündige Reis sind mir i eusem studio acho. Schöni überraschig da, das studio isch de hammer: chuchi (samt mikro, chüelschrank, tüüfchüeler und abwächmachine), en schöne balkon, bad mit badwanne, wäschmaschine mit tumbler, suuger, grosse fernseh, internet, en begehbare chleiderschrank... das beinhaltet euses studio alles :-)

Hüt gömer s’erstmal chli d’umgäbig go abchecke müend schliessli au wüsse womer euse food chönd poste, nöd dasses dänn immer fastfood git! ;-). morn hämer s’erstmal schuel... de wäg an strand, äh, id schuel, wo am fascht am strand isch, isch öpe 30minute, z’erst müemer es stückli laufe, dänn no mitem bus fahre... Meh gits spöter mal zghöre vo eus!!

Das isch na dä chalt Zürich Flughafe

Zwüschelandig in Atlant-scho recht viel wärmer (Ussetemperatur 28 Grad)

Afluug nach San Diego- ENDLI!!!!!

Fahrt zum Studio- mit offenem Feister ufm High-Way!!

Eusi "bescheidini" Chochniesche - Hammer!!

Euse Hammer-Fernseh mit DVD und Video:-)

So, jez isches also bald so wiit..mir sind am packe und bald gahts los. Am Samstig morge flüüged mer z'erst nach Atlanta und dänn nach San Diego wiiter. Euses Studio isch irgendwo am Hügel vo La Jolla- d Schuel befindet sich so ziemli genau am Strand - hoffemer mal, dass eus das ned zfest vom lerne ablenkt:-)