Und wieder isch ei wuche verbi! Mir händ s’gfühl, dass da in san diego d’ziit schneller verbii gaht ;-)
Die wuche ich eigentlich ganz „normal“ gsi! Morge und namitag schuel, as usual... am mäntig hät e kollegin geburtstag kah, dänn simer is fridays go ässe, hät schöni saftigi steaks und suscht no feins züüg gäh. Das isch de einzig usgang gsi under de wuche. Am mitwoch simer no is gym (chamer da bi euse apartments gratis anegah), aschlüssend wiedermal is whirlpool :-) Do & Fr simer di heibliebe und händ jewils en gmüetliche abig gmacht, resp. Fritig morge simer sehr früeh ufgstande. En kolleg isch mit es paar andere übers weekend uf san francisco gfloge, drum händmer ihn am 5i am morge an flughafe gfahre. Defür hämer ez sis auto übers weekend :-) au guet...
Am samstig hät de diego es squash turnier gspielt, d’hallene sind rund 10 minute mitem auto erreichbar :-) die erste rundi häter grad gege s’2 vom turnier müse spiele, hät nach 45 min 3-2 gunne... zweit rundi isch au rund gloffe... im halbfinal ischem dänn d’puschte usgange und hät 3-2 verlore. De matsch isch au rund 40 minute gange... uf jede fall merkder dänn morn, daser es paar minütli squash gspielt händ...
Am suntig simer ufen 1-day-roadtrip :-) sind zerst in oste gfahre richtig Salton Sea, dänn in norde, in joshua tree national park, aschlüssend uf palm springs go znacht ässe und dänn über Riverside und LA uf Laguna Beach und Newport Beach eis go zie. De tag isch rächt lang gsi... sind am 9i am morge abgfahre und am abig (oder besser gseit znacht) am 11i heicho... (lueged ufem föteli wie lang de wäg gsi isch...)
Bis bald
Die wuche ich eigentlich ganz „normal“ gsi! Morge und namitag schuel, as usual... am mäntig hät e kollegin geburtstag kah, dänn simer is fridays go ässe, hät schöni saftigi steaks und suscht no feins züüg gäh. Das isch de einzig usgang gsi under de wuche. Am mitwoch simer no is gym (chamer da bi euse apartments gratis anegah), aschlüssend wiedermal is whirlpool :-) Do & Fr simer di heibliebe und händ jewils en gmüetliche abig gmacht, resp. Fritig morge simer sehr früeh ufgstande. En kolleg isch mit es paar andere übers weekend uf san francisco gfloge, drum händmer ihn am 5i am morge an flughafe gfahre. Defür hämer ez sis auto übers weekend :-) au guet...
Am samstig hät de diego es squash turnier gspielt, d’hallene sind rund 10 minute mitem auto erreichbar :-) die erste rundi häter grad gege s’2 vom turnier müse spiele, hät nach 45 min 3-2 gunne... zweit rundi isch au rund gloffe... im halbfinal ischem dänn d’puschte usgange und hät 3-2 verlore. De matsch isch au rund 40 minute gange... uf jede fall merkder dänn morn, daser es paar minütli squash gspielt händ...
Am suntig simer ufen 1-day-roadtrip :-) sind zerst in oste gfahre richtig Salton Sea, dänn in norde, in joshua tree national park, aschlüssend uf palm springs go znacht ässe und dänn über Riverside und LA uf Laguna Beach und Newport Beach eis go zie. De tag isch rächt lang gsi... sind am 9i am morge abgfahre und am abig (oder besser gseit znacht) am 11i heicho... (lueged ufem föteli wie lang de wäg gsi isch...)
Bis bald
Wäg richtig National Park... Wätter isch solala gsi da...
erst Gruppeföteli underwägs...
Zmitzt ide wüeschti hätmer so squad chöne miete :-) werdemer glaubs au mal mache
De junior da isch 3.5 jährig :-)
Kilometerlangi gradi strassene. amerika halt...
da hämer zmittag gässe...
Ifahrt zum Nationalpark...
Übersichtscharte vom Park
smile :-)
en ussichtspunkt im nationalpark!
übrigens: s'föteli isch vome amerikanisch sprächende asiat wo in basel wohnt gmacht worde ;-)
hauptstrass dur palm springs
und die strecki simer abgfahre...
1 Kommentar:
Wow das isch jo än rächtä Trip gsi wo ihr do a eim Tag gmacht hönd, nid schlächt.
see you monday at school
Stefan
www.blogstone.net
Kommentar veröffentlichen