Donnerstag, 7. Juni 2007

Prüfungen

Hallo zäme
Di letschte probeprüefige sind verbii, ez giltez ernst! Di letscht wuche schuel, nöchst wuche sind d’prüefige!!!

Für all die wo wänd dume drucke, da sind d’ziite:

Für de Diego:
Mo, 11.6.07 15.15-15.45h
Mi, 13.6.07 ganzer Tag

Für d’Corina:
Do, 14.6.07 ganzer Tag
Fr, 15.6.07 12.30-13.00h

Aber ACHTUNG, mir sind dänn 9 std. hinedrii mit de ziit ;-)

liebi grüess

Mittwoch, 6. Juni 2007

Woche 10, das Ende naht

Grüezi schwiiz

Mir sind im ändspurt!!! Di letscht wuche hämer de letschti vor-test kah!! D’resultat chömer bald über... und dänn hämer bald bald de richtig test!! Gaht nüm lang!!

Eus gahts immerno guet, da in san diego :-) s’wätter isch au äntlich besser worde! Morge isches emel nachli bewölket aber so gege di 11 wird sunnig und das bis am abig am 5i, 6i, dänn chömed d’wülchli wieder...

Die wuche simer scho wieder im kino gsi :-) sind pirates of the caribbean go luege! Müends schliesslich usnütze, zahled für 1 itritt nur 8 dollars... :-) so billig chömer di film nüme go luege!!
Suscht am abig hämer no viel bbq’s gmacht... s’fleisch isch sooooo billig da!! Wasmer au wieder öfters mached sind workouts, entweder im gym, oder suscht irgendwo... nöd dasmer dänn als 2 dicki würschtli heichömed :-)

Ahja, es paar händ no wele wüsse wänn mir in chlote wieder achömed. Da sind d’flugdate:
Ankunft 25.6.07 / Flug DL66 von Atlanta / Ziit: 7:55h (am)

Das wärs momentan...

tschüüüssli

Donnerstag, 31. Mai 2007

Woche 9 - Fotos

so, es hät doch no klapped mitem upload... :-)



da hämer die wuche viel ziit verbracht: eusi pool area!! :-)






















Bi gmüätlichem BBQ - mmh, fein!!




















D Lieblings-Chips vo mir:-))))
Wellcome to Downtown San Diego!




















Zmitzt i dä Stadt es 3-stöcks Ichaufzenter uferem Hochhuus - die sind doch ned ganz bige!!

















Vorem Baseball-Match no gschwind i euses Lieblings-Restaurant Friday's (hät feini Steaks da und Herdöpferstock (hehe)) zur Stärchig.. aja, dä Mango-MaiTai isch au total feeeeeeeeeeeein!





















Und da sind "eusi" Padres (Team San Diego) am spiele...
















Insgesamt 9 Innings...

















Nach drü Outs gits Wechsel...














Nachere halb Stund simmer dänn mal all Zueschauer uf ihrne Plätz















Zuschauerzahl: 32'000..also wie bi eus i dä CH:-)















































Geili Plätz ga...anstatt 38$ nu 20$ zahlt - schnäppchenjäger (gäll Chantal und Säre:-) )
















Nach 2.5 Stund isch es relativs churzes Spiel (mer hät üs verzellt dass es zum Teil 4/5 h chan ga)

isches dänn fertig gsi...
















Woche 9, ist Geschichte

Hallo mitenand!!
Jaja, woche 9 isch au scho wieder ume... es gaht immer meh gäge de schluss zue...

Die wuche isch swätter wiedermal solala gsi. Isch immer rund 20-24 grad warm und meistens wulchi.

Am diestig simer is kino go shrek 3 luege :-) isch no sau glatt gsi… am mittwuch sich de diego über de mittag go s’champions league final go luege, am abig simer dänn wiedermal is gym… am dunstig simer s’baseball game zwüsched de san diego padres und de chicago cubs go luege. Leider hät san diego im letschte inning no uf d’chappe übercho...

d'föteli chömed bald... momentan hämer grad müeh mitem upload vo de föteli... (mir entschuldiged eus defür (-: )

Mittwoch, 23. Mai 2007

Woche 8, tschüss

So, 2/3tel vo eusm ufenthalt sind scho ume...

Viel hämer die wuche nöd so undernoh... s’wätter au nöd so super gsi dasmer emel nach de schuel an beach het chöne...
Am mäntig hämer nach de schuel „frei“ gmacht ;-) suscht simer immer fliessig id schuel :-) ussert am friitig namitag, de hämer so oder so frei kha. Dänn simer in 3tä outlet die nöchi vo da... au det hämer es paar sächeli kauft! Isch halt s’meiste scho billiger da i de usa!

Was chamer suscht no verzelle? Hm, am dunstig hämer no mit 7 andere students es bbq kha bi eus und händ aschlüssend en nhl match gluege...

Am samstig hämer am tag dure echli glärnt, und am abig simer no mitere kollegin vom diego (wo momentan in LA inere sprachschuel isch und für das weekend uf san diego cho isch mitere kollegin) öpis go ässe und dänn no spiderman 3 go luege...
Am suntig häts au wieder in gmüetliche tag gäh, mit hänge und chli is gym...


Fötli hämer leider kei gmacht...

Mittwoch, 16. Mai 2007

Woche 7, vorbei!

Buon giorno a tutti!!!
Wie gahts eu so? läbeder all guet?
Mir händ scho wieder e wuche ume... und es sind nur no 4 wuche vor eusne prüefige. Eus gfallts immerno da im sunige san diego...

Wänder wieder wüsse wasmer so gmacht händ i de letsche wuche? Also:
Mäntig bis mittwuch hämer am abig no so viel underno. Sind no es paar mal an pool abe go schaffe oder spöter am abig no go grille :-) (das fleisch isch dänn billig da)
Am dunstig simer wiedermal an beach nach de schuel. Ez chamer so gar is wasser ohni chalt z’ha :-)

Am friitig simer abgreist uf laaaaas vegas :-) isch rund 6 stündigi autofahrt gsi. Übernachtet hämer im hotel exkalibur, isch es richtigs schlössli, und das im 25tä stock (vo 30), also zimli wiit obe. Vegas isch mega iidrücklich gsi, halt vor allem i de nacht mit dene viele liechtli. De stromverbruch mues ja riesig sii!! In vegas isches meega heiss (am tag und die nacht). Gäbled hämer natürlich au :-) d’corina hät rund $ 160 vorwärts gmacht und de diego isch wenigstens mit kei verluscht heigange, hät sich also für beidi glohnt...
Am suntig simer dänn wieder heigfahre und so gege di 9ni am abig müed heicho...


Da wiedermal es paar Bilder vo Las Vegas und em Wäg:


en chline schwärtransporter isch eus no mal begägned... :-)


das isch en riese outlet, grad a de gränze california - nevada


las vegas in sicht, äntlich simer da


das isch euses schlössli hotel gsi (exkalibur)


suscht no es föteli vo Vegas


und grad namal eis :-)

da no es gruppeföteli voem bellagio


s'wasserspektakel vorem Bellagiohotel


das au :-)


das isch s'pool gsi vom hotel...


... vomer de ganz samstig namittag und suntig mittag gnosse händ

no e Sicht uf di andere hotel


und ufem rückwäg simer no schnell uf luzern ;-)


und über de san bernadino! hehe...

Donnerstag, 10. Mai 2007

Woche 6, over

Salüü ihr di hei!!

Hoffe es gaht eu guet! Also mir händ immerno super da! Äntlich stimmt au swätter! Di ganz wuche isch nöd so schlächt gsi, und hüt, jaja hüt über 25 grad und keis wülchli :-)


mir händ i eusem studio kei internetaschluss meh, drum chas ez emel chli länger ga bismer öpis updatet händ... leider...

Hm... was hämer die wuche so spannends gmacht?
Mäntig; simer nach de schuel hei und hüt nüme so viel gmacht. Ussert am 9i am abig simer no in Cold Stone. Das isch en glace lade. Det chamer 10 verschiedeni gschmäcker ha, und nacher no zuegab wähle: M&M, snickers, schoggistückli, verschiedeni nüss, gummibärli (ja genau gummibärli im glace) und no einiges meh.
Dunist; simer de ganz namitag go beache! Und spöter simer an flughafe. Neinei, nöd go luege wie d’flugis startet und landet. Mir händ entschiede, dasmer no ei wuche an sprachufenthalt aschlüssed... :-) gönd dänn nachli LA go aluege...
Samstig; hämer wieder mal chli g’shopped :-) sind inen outlet gange... uiiii, dasmal hämer chli meh pösteled als s’letscht mal. Am abig simer dänn no in usgang...
Suntig; am suntig simer gege de namitag an beach! Isch würkli de hammer gsi. S’wasser isch au langsam agnähm! :-)


Wäg an flughafe, wiedermal 2 bildli vo downtown san diego :-)




Und das sind eusi seck vo eusem iichaufstag :-)

Sonntag, 29. April 2007

Woche 5 - Nachtrag

mir händ no en chline nachtrag zum suntig abig :-)


hüt zum znacht häts es feins chääsplättli mit olive, brot und wii gäh! und s'spezielle drah: es isch gruyère gsi! mhhhh, feine schwiizerchäs! (zumindest hergestellt nach schwiizer rezept! isch würkli fein gsi)!!!


Woche 5, ciao ciao

Servus schweiz!

Eusi 5ti wuche isch wieder bereits ume!! Was hämer so gmacht?? Hm, am mäntig simer nach de schuel is gym, chli go d’muskle straffe...

Am Dienstig simer nach de schuel go suuuurfe :-) uiii, gseht viel eifacher us, alles würkli isch! Aber hät spass gmacht, wird sicher wiedermal in agriff gno... wasmer vor allem gmerkt händ: das wasser hät scho en unheimlichi chraft!!! Nach 10-20 sekunde under wasser möchtmer scho mal luft hole, isch dänn nur blöd dass grad di nöchst wälle chunt...

Am mittwuch simer zume kolleg go pokere :-) hehe, isch no en glatte abig gsi...
Am dunstig simer nach de schuel zum coiffeur (schön billig gsi: manne 12 dollar, fraue 23 dollar), nachli a euse pool abe und dänn nachem znacht früe is bett! Will...

... will am friitig simer in magic mountain! Das isch de Europapark mal 10! All bahne nachli schneller, nachli höcher, nachli gfürchiger!! Amerika halt... es isch en wunderschöne sunige und heisse tag gsi, und es hät kei lüüt kha. 30 minute isch s’längste gsi womer agstande sind (di erst bahn) nacher immer weniger als 15 min :-) händ würkli de best tag verwütscht!!!

www.sixflags.com/magicmountain/

Am samstig simer uf de mittag an beach abe chli go pöstele! Händ en koole surfershop gfunde, und nachli pösteled... spöter simer no an windandsea (windnsea) beach... de beach isch wunderschön!

Suntig, hm, suntig isch dänn chli euse lern tag gsi... über de mittag simer no churz is gym... spöter wo dänn d’sunne fürecho isch, simer an pool abe go lerne.

So, das wärs für de moment; une sind no es paar föteli!




mir vorem iigang! maaaagic mountain: wir kommen!!


extra büssli vom parkplatz zum iigang...


sicht vom parkplatz! nice!!


das isch eusi ersti bahn gsi... da liehtmer ufem buch! sauglatt!!


riese chrüsimüsi mit dene bahne :-)


Batman Rollercoaster :-)


rushhour wärendem heifahre vom magic mountain dur LA dure...


und da wieder mal es föteli wo eus 2! ufgno a dem relaxing-suntig...








Und da, wie mal versproche, 2 ufnahme vo eusere pool-aera!


whirlpool mit bbq-grill


euses swimmingpool

Dienstag, 24. April 2007

Weekend Woche 4

So, wie versproche no es paar news zum letschte weekend! Am samstig morge hämer es bitzeli für d’schuel gschaffe und sind dänn uf de mitag uf san diego downtown. Det simer en flügzügträger go aluege. Isch no eifach es usstelligsmodel, das „schiffli“ isch i 3ne kriege gsi... da no es paar facts vom schiff:

$ 90 Milione bildigskoste
212'000 PS
1’001 fuss lang
258 fuss breit
20 t anker
3.4 millione gallone tank, 100'000 gallone verbruch pro tag, 260 gallone pro meile
ca 1'100 persone an board

jaja, das isch es riese teil…

Am samstig abig simer no ane gmüetlichi homeparty. Händ dete no pizza gässe, drunke, gredt... eifach gmüetlich gsi...

Am Suntig hämer keis grosses program kha, händ für d’schuel gschaffe, sind chli im fitnessrum gsi und am abig dänn no is whirlpool...
Schöni wuche wünsched mir eu!!




da simer druf gange...


Flightdesk


jaja, sooo höch isch das schiff... au no ufem bild: de 20 tonne anker...


mir 2 :-)


di amerikanisch version vo de FA 18


Flightdesk! im hindergrund no d'skyline vo san diego


Das sind d'better ufem flugzügträger... würkli nöd so viel platz! und ez chunt no s'best: die sind zum teil vo 2 oder sogar 3 lüüt teilt worde... ohhhje...