Woche 5 - Nachtrag

mir händ no en chline nachtrag zum suntig abig :-)

hüt zum znacht häts es feins chääsplättli mit olive, brot und wii gäh! und s'spezielle drah: es isch gruyère gsi! mhhhh, feine schwiizerchäs! (zumindest hergestellt nach schwiizer rezept! isch würkli fein gsi)!!!

Woche 5, ciao ciao

Servus schweiz!

Eusi 5ti wuche isch wieder bereits ume!! Was hämer so gmacht?? Hm, am mäntig simer nach de schuel is gym, chli go d’muskle straffe...

Am Dienstig simer nach de schuel go suuuurfe :-) uiii, gseht viel eifacher us, alles würkli isch! Aber hät spass gmacht, wird sicher wiedermal in agriff gno... wasmer vor allem gmerkt händ: das wasser hät scho en unheimlichi chraft!!! Nach 10-20 sekunde under wasser möchtmer scho mal luft hole, isch dänn nur blöd dass grad di nöchst wälle chunt...

Am mittwuch simer zume kolleg go pokere :-) hehe, isch no en glatte abig gsi...
Am dunstig simer nach de schuel zum coiffeur (schön billig gsi: manne 12 dollar, fraue 23 dollar), nachli a euse pool abe und dänn nachem znacht früe is bett! Will...

... will am friitig simer in magic mountain! Das isch de Europapark mal 10! All bahne nachli schneller, nachli höcher, nachli gfürchiger!! Amerika halt... es isch en wunderschöne sunige und heisse tag gsi, und es hät kei lüüt kha. 30 minute isch s’längste gsi womer agstande sind (di erst bahn) nacher immer weniger als 15 min :-) händ würkli de best tag verwütscht!!!
www.sixflags.com/magicmountain/

Am samstig simer uf de mittag an beach abe chli go pöstele! Händ en koole surfershop gfunde, und nachli pösteled... spöter simer no an windandsea (windnsea) beach... de beach isch wunderschön!

Suntig, hm, suntig isch dänn chli euse lern tag gsi... über de mittag simer no churz is gym... spöter wo dänn d’sunne fürecho isch, simer an pool abe go lerne.

So, das wärs für de moment; une sind no es paar föteli!



mir vorem iigang! maaaagic mountain: wir kommen!!


extra büssli vom parkplatz zum iigang...


sicht vom parkplatz! nice!!


das isch eusi ersti bahn gsi... da liehtmer ufem buch! sauglatt!!


riese chrüsimüsi mit dene bahne :-)


Batman Rollercoaster :-)


rushhour wärendem heifahre vom magic mountain dur LA dure...

und da wieder mal es föteli wo eus 2! ufgno a dem relaxing-suntig...








Und da, wie mal versproche, 2 ufnahme vo eusere pool-aera!


whirlpool mit bbq-grill


euses swimmingpool

Weekend Woche 4

So, wie versproche no es paar news zum letschte weekend! Am samstig morge hämer es bitzeli für d’schuel gschaffe und sind dänn uf de mitag uf san diego downtown. Det simer en flügzügträger go aluege. Isch no eifach es usstelligsmodel, das „schiffli“ isch i 3ne kriege gsi... da no es paar facts vom schiff:

$ 90 Milione bildigskoste
212'000 PS
1’001 fuss lang
258 fuss breit
20 t anker
3.4 millione gallone tank, 100'000 gallone verbruch pro tag, 260 gallone pro meile
ca 1'100 persone an board

jaja, das isch es riese teil…

Am samstig abig simer no ane gmüetlichi homeparty. Händ dete no pizza gässe, drunke, gredt... eifach gmüetlich gsi...

Am Suntig hämer keis grosses program kha, händ für d’schuel gschaffe, sind chli im fitnessrum gsi und am abig dänn no is whirlpool...
Schöni wuche wünsched mir eu!!



da simer druf gange...


Flightdesk


jaja, sooo höch isch das schiff... au no ufem bild: de 20 tonne anker...


mir 2 :-)


di amerikanisch version vo de FA 18


Flightdesk! im hindergrund no d'skyline vo san diego


Das sind d'better ufem flugzügträger... würkli nöd so viel platz! und ez chunt no s'best: die sind zum teil vo 2 oder sogar 3 lüüt teilt worde... ohhhje...

Woche 4, adee!

Hello everybody!! Und scho isch eusi 4ti wuche ume...

Wiedermal en wocherückblick vo eus 2!
Am mäntig simer immerno fuul gsi vo eusem lange trip, drum hämer nüm viel underno nach de schuel und sind di hei bliebe...
am diestig hämer eus es auto gmietet :-) und das grad für di nöchste 2 mönet! Mer chan d’ziit scho meh gnüsse miteme auto da. D’Öv’s sind eso schlächt...
am mitwoch hämer probeprüefige kha (das de ganz tag), 4 verschiedeni tests... das isch scho rächt härt gsi. Als erholig simer nachde prüefige as meer go beache, hät aber extrem gwindet, drum isches nöd soo glatt gsi. Nachem beache simer in denny’s go esse mit 2 andere students. Sie sind nachder no zu eus hei cho pokere :-)
am dunstig morge hämer no de speaking test kha, am namitag nomal schuel. Nach de schuel simer is Sea World. D’shamu-show isch würkli mega guet gmacht gsi, suscht isches solala... d’tier händ scho nöd soo extrem viel platz i dene verschiedene aquarie...
Am fritig mittag simer mit de ganze schuel go esse, nacher dänn hei. De fritig isch wieder mal en rägetag gsi... am abig simer go squashe, das hät guet ta! :-)

Das isch so das gsi womer under de wuche gmacht händ... de bricht vom weekend chunt dänn morn...





Ufnahme während de shamu-show


en roche vom roche-tümpel


sharkkkkkk!!! händ no en tunnel mir förderbahn durs haie-aquarium kha (aber nur öpe 20meter)


das isch euses auto :-)

Woche Drei, vorbei!

Und wieder isch ei wuche verbi! Mir händ s’gfühl, dass da in san diego d’ziit schneller verbii gaht ;-)
Die wuche ich eigentlich ganz „normal“ gsi! Morge und namitag schuel, as usual... am mäntig hät e kollegin geburtstag kah, dänn simer is fridays go ässe, hät schöni saftigi steaks und suscht no feins züüg gäh. Das isch de einzig usgang gsi under de wuche. Am mitwoch simer no is gym (chamer da bi euse apartments gratis anegah), aschlüssend wiedermal is whirlpool :-) Do & Fr simer di heibliebe und händ jewils en gmüetliche abig gmacht, resp. Fritig morge simer sehr früeh ufgstande. En kolleg isch mit es paar andere übers weekend uf san francisco gfloge, drum händmer ihn am 5i am morge an flughafe gfahre. Defür hämer ez sis auto übers weekend :-) au guet...

Am samstig hät de diego es squash turnier gspielt, d’hallene sind rund 10 minute mitem auto erreichbar :-) die erste rundi häter grad gege s’2 vom turnier müse spiele, hät nach 45 min 3-2 gunne... zweit rundi isch au rund gloffe... im halbfinal ischem dänn d’puschte usgange und hät 3-2 verlore. De matsch isch au rund 40 minute gange... uf jede fall merkder dänn morn, daser es paar minütli squash gspielt händ...

Am suntig simer ufen 1-day-roadtrip :-) sind zerst in oste gfahre richtig Salton Sea, dänn in norde, in joshua tree national park, aschlüssend uf palm springs go znacht ässe und dänn über Riverside und LA uf Laguna Beach und Newport Beach eis go zie. De tag isch rächt lang gsi... sind am 9i am morge abgfahre und am abig (oder besser gseit znacht) am 11i heicho... (lueged ufem föteli wie lang de wäg gsi isch...)

Bis bald

Wäg richtig National Park... Wätter isch solala gsi da...

erst Gruppeföteli underwägs...

Zmitzt ide wüeschti hätmer so squad chöne miete :-) werdemer glaubs au mal mache

De junior da isch 3.5 jährig :-)

Kilometerlangi gradi strassene. amerika halt...

da hämer zmittag gässe...

Ifahrt zum Nationalpark...

Übersichtscharte vom Park

smile :-)

en ussichtspunkt im nationalpark!

übrigens: s'föteli isch vome amerikanisch sprächende asiat wo in basel wohnt gmacht worde ;-)

hauptstrass dur palm springs

und die strecki simer abgfahre...

Woche 2 verbii

Grüeziwohl Schwiiz!

Mir hoffed dases eu allne guet gaht! Eus gahts uf jedefall Tip top! Di erste 2 wuche sind ume… d’schuel zieht es echli a, so mit ufgabe und so… aber eus chan das ja rächt si!
S’wätter isch die wuche nöd so de hit gsi! Die ganz ziit bewölkt und so umdi 18-20 grad... ab ändi nöchster wuche sötts dänn aber wieder bessere! Mir hoffed das uf jedefall.

Am mäntig und diestig simer am abig no mit kollege eis go zie, und de rescht wo de wuche (resp. mitwuch und dunstig) simer di hei bliebe und am abig bi eusem appartment is gheitzte whirlpool ghocked und händ eus chli entspannt kah! Es föteli vo dem hämer nanig, folgt aber dänn scho no :-)
Am Friitig simer go mexikanisch ässe (hät rieeeese portione gäh) und aschlüüsend mit andere no is kino, sind blades of glory go luege. Fazit vom film: chli doof aber mer hät chöne lache! Bi eu chunt de erst ime monet use, ihr müend eu halt chli gedulde wänneren go luege wänd… übrigens: ocean’s 13 & shreck 3 chömed da au demnächst use... nachem kino hämer no s'partyfolk ustestet... jaja, rächt crowdy i dem lokal gsi...

Am samstig simer a di mexikanisch gränze gfahre, ganz im süde vo san diego. Dete häts en riiiese outlet store! (http://www.lasamericas.com/) Det hämer nachli chleider postet, beziehigswis ähm... chönds eu ja vorstelle wär so richtig zuegschlage hät :-) Bilanz vo de kaufte chleider 14:2! für wär ächt? :-) völlig erschöpft vom poste hämer en gmüetliche fernsehabig gmacht. De suntig (also hüt) isch au wieder ruhig und entspannend gsi. Sind nachem Mittag wieder in whirlpool und suscht hämer no für d’schuel gschaffe...
So, das wärs gsi für die wuche, morn müemer wieder id schuel.

Mir wünsched eu no ganz e schöni wuche!

Da wieder es paar impressione!


Sune undergang am Mission Beach


Wäg zude Outlets ufem Freeway dur San Diego dure.


D'front vo dene vielne outlets: Eimal nach rächts luege...


und eimal nach links luege...

Woche 1 bereits zu Ende!!!

What’s up people??? So, die erst wuche isch scho ume! Uii, isch das rasch gange! Grundsätzlich hämer en guete iidruck vo de schuel, d’lehrer sind in ornig (ussert eini), die andere students sind funny, und s’meer isch au nöch :-)...

Am friitig abig simer an beach ane happy hour mit de schuel, isch chli en riifall gsi; aber janu, d’stimmig isch guet gsi... nacher simer no ane homeparty. Eine vo de schuel hät rund 20 iladige usegäh, schlussändlich isch die hütte mit rund 40 bis 50 lüüt volle gsi. Hehe... Am samstig simer am namitag an mission bay, händ det chli volleyball- und fuesball gspielt. Am abig simer no zume italiener go znacht esse, öpe 5 min zfues vo eus us! Händ s’ässe fein u fein gfunde!
Hüt am suntig hämer en ruhige tag kah. Händ no englisch glärnt und am namitag simer im Westfield chli go shoppe! Nachem shoppe simer no e rundi go ränne...

S’ganze weekend hämer mega wätter kah! Sunig, ab und zue mal es paar wülchli, bi rund 20-23 grad! So wie die schwiiz, oder? :-)

Und da no es paar neui bildli vo de umgäbig!


Mission Ave.


Wäg vo de Schuel an Beach (3 Min)


Samstig namitag am Mission Bay


Und ja, wie isch so eigentlich di allgemein stimmitg da???